الكاش باك بيشتغل إزاي، وإزاي تضمن إنه يوصلك
كود الخصم بيقلل السعر قبل ما تدفع، والكاش باك بيرجعلك فلوس بعدها. الفلوس دي جاية منين، ليه بتاخد كام أسبوع، والغلطات الصغيرة اللي بتلغيها.
كود الخصم بيقلل السعر قبل ما تدفع. الكاش باك بيرجعلك جزء من الفلوس بعد ما تدفع. لو استخدمت الاتنين في نفس الطلب، هتبقى دفعت أقل من أي حد تقريباً. تعالى نفهم الكاش باك بيشتغل إزاي بالظبط.
الفلوس دي جاية منين؟
المتاجر بتدفع عمولة للمواقع اللي بتجيبلها زباين. لما تفتح المتجر من وفرلي وتشتري، المتجر بيدفعلنا العمولة دي، وإحنا بنديك جزء منها كاش باك.
السعر اللي بتدفعه زي ما هو بالظبط. المتجر كده كده بيصرف الفلوس دي على الإعلانات، وبالطريقة دي جزء منها بيرجعلك انت.
إيه اللي بيحصل بعد ما تطلب؟
- اتسجل: المتجر بيبلغنا بطلبك، غالباً في خلال كام يوم.
- معلّق: الكاش باك بيستنى لحد ما مدة الإرجاع تخلص، لأن الطلب اللي بيرجع مالوش عمولة.
- اتأكد: أول ما المتجر يأكد إن الطلب نهائي، الكاش باك يبقى بتاعك.
عشان كده الكاش باك بياخد أسابيع مش دقايق. ده طبيعي، وهو نفس النظام في أي موقع كاش باك.
إزاي تضمن إن طلبك يتسجل؟
- افتح المتجر من وفرلي قبل ما تشتري على طول، مش قبلها بساعات.
- كمّل الطلب من نفس المتصفح ونفس الجهاز. لو فتحت اللينك من الموقع وبعدين قلبت على أبلكيشن المتجر، غالباً الطلب مش هيتسجل.
- اقفل الـ Ad Blocker على موقع المتجر في الطلب ده.
- ماتجيبش كود من موقع كوبونات تاني وانت بتدفع. اللينك بتاعه ممكن ياخد مكان لينكنا ويلغي الكاش باك بتاعك. استخدم الأكواد اللي على وفرلي.
إيه اللي بيلغي الكاش باك؟
- إرجاع الطلب أو إلغاؤه، كله أو جزء منه.
- منتجات أو أقسام المتجر مستثنيها. شوف الشروط في صفحة المتجر على وفرلي قبل ما تشتري.
الأكواد والكاش باك مع بعض
هنا التوفير الحقيقي: سعر العرض، وكود شغال، وكاش باك، كله في طلب واحد. والجمعة البيضاء فاضلها كام أسبوع، فأحسن تتعود من دلوقتي تفتح المتاجر من وفرلي.
المرة الجاية اللي تشتري فيها أونلاين، ابدأ من وفرلي.